29 fevral 2008-ci il tarixində təsis edilmiş “Bakı İnşaat Layihə” Qapalı Səhmdar Cəmiyyəti bu gün olduqca geniş miqyasda tikinti-quraşdırma və layihələhdirmə, smeta işlərini əhatə edən müasir şirkətdir.

Şirkət tikinti biznesində özünü etibarlı və vicdanlı tərəfdaş kimi təsdiq edərək geniş şəkildə tanıdıb. Bunun nəticəsidir ki, Azərbaycan Meliorasiya və Su Təsərrüfatı ASC, Azərsu ASC, “Azərİşıq” ASC, Məcburi Köçkünlərin Sosial İnkişaf Fondu (MKSİF), Azərbaycan Respublikası Elm və Təhsil Nazirliyi, SOCAR və bir çox başqaları kimi respublikada və respublika xaricində tanınan təşkilatlar “Bakı İnşaat Layihə” Qapalı Səhmdar Cəmiyyətinin göstəridiyi tikinti və layihə, smeta xidmətləri üçün müraciət edir.

Qərbi Avropanın, Rusiyanın, Belarusun, Ukraynanın müxtəlif regionları, eləcə də Siemens, ABB və başqa tanınmış şirkətlərlə uzun illərə söykənən işgüzar əlaqələrimizi nəzərə alaraq, bir çox sifarişçilər şirkətimizin səriştəsindən yalnız podrat işlərin yerinə yetirilməsi üçün istifadə etmir, həm də lazımi avadanlıq, xüsusi material və məmulatların təchizatının təmin edilməsini bizə etibar edirlər.

“Bakı İnşaat Layihə” Qapalı Səhmdar Cəmiyyəti yüksək ixtisaslı mobil tikinti-quraşdırma briqadaları və mexanikləşdirilmiş bölmələrə malikdir. Bu briqada və bölmələr yaşayış məntəqələrindən, kommunikasiyalardan uzaqda yerləşən ərazilərdə, son dərəcə çətin və sıx şəraitdə dayanıqlığa malik irimiqyaslı işlər görməyə qadirdir.